ÜMİDTV:    Yardımlıda səhiyyə bərbad bir vəziyyətdədir. O boyda rayonda rentgoloq yox, dopler müayinə yox, tomoqrafiya yox, lor həkimi yox, narkoz həkimi yox, laboratoriya həkimi yox və s. Ümumiyyətlə Yardımlıda yardımlılara YOX ifadəsini yağlı tikə kimi sırıyırlar. 

Günü- gündən dərdləri qalaq , qalaq  olub, qalanan yerli sakinlər bütün idarələrdə bir çimdik vicdan axtarışındadı. İdarə və müəssələrə rəhbər gəlib, gedənlərin isə nə az nə çox, ən azı  paytaxt və bölgələrdə bir neçə malikanəsi və çox sayda obyektləri olur. Sözüm odur ki, əhali rəhbərsiz, uşaqlar məktəbsiz, xəstə həkimsiz qalıb bizim rayonda. Yardımlıda əhli-həyat belədir mənim əzizlərim. Yardımlının dərdi var Yardımlı bərk xəstədi. Dərdə çarə nə dəva tapılır nədə ki, təbib…

Sizlərə ərz edib ki xəstəxana binası çox gözəl olsa da xəstəxanada vəziyyət acınacaqlı  haldadır. Çoxlu sayda həkimə ehtiyacı olan xəstəxana hal-hazırda durğunluq  hayatını yaşayır. Müalicə üçün Yardımlı rayon xəstəxanasına bir dəfə müraciət edən xəstə,  ikinci dəfə ora getmək belə istəmir. Çünki birinci müraciətində yanlış müalicə aldığı yadına düşür və məcbur olub digər rayon xəstəxanalarına və ya paytaxt xəstəxanalarına üz tutur.

Onu da qeyd edim ki, rayonun çox savadlı həkimləri var. Lakin onların çoxu şəraitsizlikdən və onlara qoyulan qiymətdən narazı qalaraq əsasən paytaxt xəstəxanalarında işləməyi üstün tutmuşlar. İndi bu binəva rayon camaatıının günahı nə idi ki, Yardımlı rayonunda doğulmuşdur…!? Rayon camaatının halına yanan olacaqmı? Rayon rəhbərliyi niyə lazımi tədbir görmür? Niyə xəstəxanaya həkim və ya mütəxəssislər cəlb etmək üçün adekvat addımlar atmır?. Məyər ölkə rəhbərliyinin tapşırıq və tövsiyyələri xalqı incitmək, xalqa zülm etmək missiyası daşıyır..!? Bütün bu suallara cavabı  başqa idarələrdəki kimi rayon İH-də axtarmağa dəyməz. Tam məsuliyyətlə deyə bilərəm ki, İcra hakimiyyətində vəzifə tutan hər kim varsa “Araz aşığından Kür topuğundan”  olan kimsələrdir. Şəklilər demişkən “…ha indi salamat qalın…”