Bu gün Azərbaycan Prezidenti İlham Əliyevin doğum günüdür.

Dövlət başçısının 63 yaşı tamam olur. İlham Heydər oğlu Əliyev, 1961-ci il dekabrın 24-də Bakıda anadan olub. 1967-1977-ci illərdə paytaxtda orta təhsilini başa vurub. 1977-ci ildən Moskva Dövlət Beynəlxalq İqtisadiyyat Universitetinə (MDBİ) daxil olub. MDBİ-ni bitirdikdən sonra 1982-ci ildən Moskva Dövlət Beynəlxalq İqtisadiyyat Universitetinin aspiranturasına daxil olub. 1985-ci ildən dissertasiya müdafiə edərək, tarix elmləri namizədi dərəcəsi alıb. 1985-1990-cı illərdə Moskva Dövlət Beynəlxalq İqtisadiyyat Universitetində müəllim işləyib və 1991-1994-cü illərdə özəl biznes sahəsində çalışıb və bir sıra istehsal-kommersiya müəssisələrinə rəhbərlik edib.

1994-cü ildən 2003-cü il avqust ayına qədər Dövlət Neft Şirkətinin vitse-prezidenti, daha sonra isə birinci vitse-prezidenti olub. "Heydər Əliyevin neft strategiyası"nın həyata keçirilməsində fəal iştirak edib. O, suveren Azərbaycanın neft siyasətinin geosiyasi aspektlərinə dair bir sıra tədqiqat işlərinin müəllifidir. Siyasi elmlər doktorudur. İki dəfə, 1995-ci və 2000-ci illərdə Milli Məclisə seçilib. 1997-ci ildən Azərbaycan Milli Olimpiya Komitəsinin Prezidentidir. İdmanın və Olimpiya hərakatının inkişafında göstərdiyi xidmətlərə görə Beynəlxalq Olimpiya Komitəsinin ali ordeni ilə təltif edilib. 1999-cu ildən hakim Yeni Azərbaycan Partiyası sədri müavini, 2001-ci ildən isə partiyanın birinci müavini, 2005-ci ildən isə sədri seçilib.

2001-2003-cü illərdə Avropa Şurası Parlament Assambleyasında (ASPA) Azərbaycan Respublikası Milli Məclisinin nümayəndə heyətinin rəhbəri olub. 2003-cü ilin yanvar ayında ASPA-nın sədri müavini, ASPA-nın Büro üzvü seçilib. 2003-cü il avqustun 4-də Milli Məclis tərəfindən təsdiq edildikdən sonra Azərbaycanın Baş naziri təyin edilib. Baş nazir vəzifəsinə təyin edilməsi ilə bağlı olaraq deputat səlahiyyətlərinə xitam verib. 2003-cü il oktyabrın 15-də Azərbaycan Respublikasının Prezidenti seçilib. Prezident seçkilərində seçicilərin 76%-dən çoxu İlham Əliyevin lehinə səs verib.

2004-cü ilin aprelində ASPA-nın fəaliyyətində fəal iştirakına və Avropa ideallarına sadiq olduğuna görə ASPA-nın fəxri üzvü diplomu və ASPA medalı ilə təltif edilib. 2008-ci il oktyabrın 15-də keçirilən seçkilərdə seçicilərin 88,73% səsini qazanan İlham Əliyev ikinci dəfə Azərbaycan Respublikasının Prezidenti seçilib. 2013-cü il oktybrın 9-da keçirilən seçkilərdə seçicilərin 84,54% səsini qazanan İlham Əliyev növbəti dəfə prezident seçilib. 2018-ci ilin aprelin 11-də Azərbaycan prezident seçkisində Yeni Azərbaycan Partiyasının namizədi İlham Əliyev 86.03 faiz səs toplayaraq yenidən Azərbaycan Respublikasının prezidenti seçilib.

Prezident İlham Əliyevin yürütdüyü uğurlu siyasət nəticəsində Azərbaycan iqtisadiyyatı inkişaf edib; ölkədə yoxsulluq və işsizlik kəskin şəkildə aşağı düşüb, yüzlərlə yeni iş yeri açılıb. Bu illər ərzində bir sıra böyük layihələrə imza atan Azərbaycan regionun lider dövləti halına gəlib. Ölkə başçısı Azərbaycan, rus, ingilis, fransız və türkcə mükəmməl bilir.

Müzəffər Ali Baş Komandan İlham Əliyevin rəhbərliyi altında Azərbaycan Ordusu 2020-ci il sentyabrın 27-dən başlayaraq 44 gün ərzində torpaqlarımızı erməni işğalçılarından azad edib. Ali Baş Komandanın xalqımıza bəxş etdiyi tarixi qələbə nəticəsində 30 ildən sonra işğaldan azad edilmiş torpaqlarımızda üçrəngli bayrağımız dalgalanır.

2022-ci ilin iyulunda Avropa İttifaqı və Azərbaycan arasında enerji sahəsində strateji tərəfdaşlığa dair Anlaşma Memorandumunun imzalanması ilə Azərbaycanın enerji sahəsində "regionun lideri" və "etibarlı tərəfdaş" statuslarını qazanması təmin edilib. Artıq Azərbaycanın yalnız neft-qaz sektoruna deyil, iqtisadiyyatın digər sahələrinə, eləcə də ekoloji cəhətdən daha temiz olan yaşıl enerji zonalarına investisiya cəlbediciliyi ən yüksək səviyyəyə çatıb.

2023-cü ildən Azərbaycan torpaqlarında erməni separatizminə son qoymaqla iyirmi illik uğurlu fəaliyyətini taclandırıb. Torpaqlarımız işğaldan azad olunduqdan sonra "Azərbaycan Respublikasının işğaldan azad edilmiş ərazilərinin Böyük Qayıdışına dair I Dövlət Proqramı" təsdiq edilib. Proqramın sürətli icrası nəticəsində, qısa vaxt keçməsinə baxmayaraq artıq Füzuli Beynəlxalq Hava Limanı, Zəngilan Beynəlxalq Hava Limanı istifadəyə verilib, yeni tunel və yollar, su elektrik stansiyalarının açılışı baş tutub.

19 sentyabr 2023-cü il tarixində antiterror tədbirlərinin başlanması və uğurla başa çatması nəticəsində Azərbaycan öz suverenliyini bərpa edib. Dövlət başçısı 2023-cü il oktyabrın 15-də Xankəndi şəhərinə, Xocavənd, Şuşa, Xocalı, Ağdərə rayonlarına səfər edib, İsgəndər qalasında olub və orada Azərbaycan bayrağını qaldırıb. Prezident İlham Əliyevin Xankəndi şəhərində Azərbaycan Respublikasının Dövlət Bayrağını ucaltdığı çıxışında, "Düz 20 il bundan əvvəl Azərbaycan xalqı mənə böyük etimad göstərərək prezident seçkilərində Prezident vəzifəsinə seçmişdir. O vaxt doğma xalqıma müraciət edərək söz vermişdim ki, Azərbaycan xalqının və Azərbaycan dövlətinin milli maraqlarını müdafiə edəcəyəm" demişdir.

2024-cü il fevralın 7-də keçiriləcək seçkilərdə İlham Əliyev seçicilərin 92,12 faiz səsini qazanaraq növbəti dəfə Azərbaycan Respublikasının Prezidenti seçiləcəkdir. Dövlət başçısı bu il də işğaldan azad olunan ərazilərdə həyata keçirilən geniş bərpa və quruculuq işlərinin açılışında şəxslə iştirak etmişdir.

Bu ili yadda qalan edən növbəti əlamətdar hadisələrdən biri ötən ay Bakıda BMT-nin İqlim Dəyişikliyi üzrə Çərçivə Konvensiyasının Taraflar Konfransının 29-cu sessiyasının (COP29) öz işinə başlaması olub. Prezident İlham Əliyev tədbir çərçivəsində keçirilən Liderlər Sammitində genişməzmunlu çıxış edib.