Prezident İlham Əliyev, Heydər Əliyev Beynəlxalq Aeroportunda Azərbaycan Televiziyasına müsahibə verərək, Rusiyanın bəzi şəhərlərinə uçuşların dayandırılmasının səbəblərini açıqlayıb. Jurnalistin “Qızadan sonra AZAL şirkəti Rusiyanın bəzi şəhərlərinə uçuşları dayandırdı. Bu qərarın verilməsi hansı zərurətdən irəli gəldi və hazırda işlər necə gedir?” sualını cavablandıran dövlət başçısı, təhlükəsizlik məsələlərinin ön planda olduğunu bildirdi.

İlham Əliyev, “Bu göstərişi mən vermişəm və bunun əsas səbəbi, təbii ki, təhlükəsizlik məsələləridir. Çünki Rusiyanın bir çox şəhərlərində vaxtsız hava məkânı bağlanır, orada xüsusi əməliyyat rejimi tətbiq edilir. Onlar buna ‘kavyor əməliyyatı’ deyirlər. Bir şey də üstü açılmalıdır ki, o ‘kavyor əməliyyatı’ nə vaxt elan edildi; çünki bizdə olan məlumata görə, artıq təyyarəmiz xarici təsirə məruz qaldıqdan sonra o ‘kavyor əməliyyatı’ elan edilmişdi. Yəni, bu belədirsə, bir daha göstərir ki, yerli xidmətlər bu məsələləri ört-basdır etmək üçün etdilər,” deyə qeyd edib.

Dövlət başçısı, AZAL-ın Rusiyanın yeddi şəhərinə uçuşlarını müvəqqəti olaraq dayandırdığını xatırladıb və əlavə edib ki, Rusiya aviasiya şirkətlərinin üç Rusiya şəhərindən də Azərbaycana uçuşlarını dayandırdığını vurğuladı. “Demək, toplam 10 şəhərlə bizim hava bağlantımız indi dayandırılıb və yenə də deyirəm, burada, ilk növbədə, təhlükəsizlik məsələləri ön plandadır. Biz sərnişinlərimizin təhlükəsizliyini hər zaman ön sırada olan məsələ kimi qəbul etmişik,” dedi Əliyev.

Bu vəziyyətin elan edildiyini bildirən Prezident, “Biz nəyi edirik, açıq-aydın edirik və yenə də deyirəm, bu qərar qəbul edilmişdir. Nə vaxt bu uçuşlar bərpa ediləcək, yoxsa yox, xüsusilə Qroznı şəhərinə bərpa ediləcək, yoxsa yox? Çox güman ki, yox. Amma bunu həyat göstərir və Rusiya hava məkanının təhlükəsizlik məsələləri də nəzərə alınacaqdır,” deyərək sözlərini tamamladı.