Dövlət İmtahan Mərkəzi (DIM) "Enar Taxi" MMC ilə yeni satınalma müqaviləsi imzalayıb. Yeniavaz.com xəbər verir ki, bu müqavilə tender müsabiqəsi keçirilmədən, bir mənbədən satınalma metodu əsasında imzalanıb. "Enar Taxi" MMC DIM-in sifarişi əsasında imtahanların keçirilməsinə cəlb olunan şəxslərin və imtahan materiallarının Bakı şəhəri üzrə trafiq və şəhərdaxili imtahan binalarına çatdırılması və geri qaytarılması xidmətlərini həyata keçirəcək. Qarsılığında "Enar Taxi" MMC 76 min 650 manat alacaq. Məlumat üçün qeyd edək ki, bu müqavilə üzrə satınalma proseduru dövlət satınalmalarının vahid internet portalında keçirilib. "Dövlət satınalmaları haqqında" Qanunun 15.1 maddəsində göstərilir ki, mxti məlumatlar istisna olmaqla bütün dövlət satınalmaları yalnız portal vasitəsilə həyata keçirilir. Eyni zamanda qanunun 49-cu maddəsində qeyd olunur ki, bir mənbədən satınalma metodu aşağıdakı hallarda tətbiq olunur: - Satınalma predmeti yalnız hər hansı konkret təchizatçıda olduqda;
- Satınalma predmetinin əvəzedicisi və alternativi olmadıqda;
- Satınalma predmetinə təcili tələbat yarandıqda;
- Təbii fəlakətlər, texnoloji qəzalar, epidemiyalar baş verdikdə və fövqəladə xarakter daşıyan digər hallarda bilavasitə insanların həyat və sağlamlığına vurulan ziyanın qarşısının təcili alınması məqsədilə;
- Satınalma predmeti kəsfiyyat və əks-kəsfiyyat fəaliyyətini təmin edən tələbat aid olduqda. Qanunun tələblərindən də göründüyü kimi, taksi xidməti mxti məlumat hesab oluna bilməz. Bu səbəbdən DIM-in satınalma prosesini bu şəkildə keçirməsi başa düşülən deyil. Üstəlik, müqavilənin hansı səbəbdən bir mənbədən satınalma metodu ilə imzalandığı da aydın deyil. Bununla yanaşı, "Enar Taxi" MMC 2018-ci ildən dövlət qeydiyyatındadır. Hüquqi ünvanı Masud Əlizadə, ev 62-də yerləşir. MMC-nin qanuni təmsilçisi Agacan Abbasov Abbas oğludur. Agacan Abbasov "189 Taxi" adı ilə tanınan taksi xidmətinin də sahibidir. Bu, ölkənin aparıcı taksi xidmətlərindən biridir. "189 Taxi" ilə yanaşı, Agacan Abbasov "Bizim Taksi" MMC və "Call Center" QSC-nin də sahibidir. Ötən illərdə DIM-in keçirdiyi analoji tenderlərin qalibi "Enar Taxi" MMC olub. Ötən il açıqlanan məlumatda xidməti göstəriləcək məsafənin ümumi uzunluğunun 55 min 500 km olduğu bildirilib. Bu məqam, DIM-in uzunmüddətli və etibarlı xidmət təminatçısı ilə işbirliyi qurmağı planlaşdırdığını da göstərir. Bu aktual məsələlər müasir dövlət satınalmalarının şəffaflığına və ədalətliliyinə dair suallar doğurur. Hər kəs tərəfindən qəbul edilən standartlara əsaslanaraq, satınalma prosesinin düzgün aparılması dövlətin maliyyə resurslarının səmərəli istifadəsinə və müvafiq xidmətlərin keyfiyyətinə birbaşa təsir edir. Dövlət məmurları və müvafiq qurumlar, bu tip mübahisələri azaltmaq üçün prosedurlarını daha şəffaf və izlənilən etməlidirlər. Yeniavaz.com bu və digər oxşar məsələləri izləməyə davam edərək, ictimaiyyəti məlumatlandırmağa çalışır. Bu, yalnız mövcud şəraitin aydınlaşdırılması deyil, eyni zamanda cəmiyyətin dövlət satınalmalarına olan inamını artırmağa da yönəlib.