Bu gün Abseron rayon Məhkəməsində ölkədən külli miqdarda pul çıxarmaqda günahlandırılan Xırdalan Sıra Zavodunu idarə edən "A+CO" ASC ilə bağlı işə baxılacaq.

Tribunainfo.az xəbər verir ki, "A+CO" ASC-nin İqtisadiyyat Xətaları Məcəlləsinin iqtisadi fəaliyyət qaydaları əleyhinə olan 430.4-cü maddəsini pozduğu məlum olub. Tələbi pozulan maddəyə əsasən, avans yolu ilə ödənilmiş valyuta vəsaitinin müqabilində müəyyən edilmiş müddət ləğv edilmədikdə, mallar idxal edilmədikdə, islər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə, vəzifəli şəxslər inzibati xətanın bilavasitə obyekti olmuş valyuta vəsaitinin məbləğinin on faizindən iyirmi faizinə qədər, hüquqi şəxslər isə inzibati xətanın obyekti olmuş valyuta vəsaitinin məbləğinin iyirmi faizindən otuz faizinə qədər cərimə edilir.

ASC ilə bağlı iş hakim Cəmilə Səfiyevanın icraatındadır.

Xatırladaq ki, İXM-nin 430.4-cü maddəsinə əsasən, istənilən şirkət, sahibkar müəyyən mal almaq üçün ölkədən pul çıxarırsa, iki il ərzində həmin mal ölkəyə gəlmədiyi üçün sifarişi verən şirkət cərimə olunur. İki il ərzində mal ölkəyə gəlmirsə, bu sahibkarın ölkədən pul çıxarması anlamına gəlir. Bu maddənin qısa mahiyyəti belədır: sahibkarlar xarici pul köçürür ki, nə isə alacaq. O pulu köçürdükdən sonra iki il ərzində həmin malı ölkəyə gətirməlidir. Əgər malı ölkəyə gətirmirsə, sahibkar cərimələnir. Yəni, bu halda hesab olunur ki, şirkət, sahibkar ölkədən pul, valyuta çıxarıb. Məlum məsələdir ki, ölkədən heç bir səbəb olmadan pul çıxarmağa məhdudiyyət var.

Qeyd edək ki, Xırdalan Sıra Zavodunu idarə edən "A+CO" ASC 1997-ci ildən MMC kimi təsis edilib. Şirkət sıra, konyak və digər alkoqollu içkilər istehsal edir. "A+CO" ilə "GOLD VINE" ASC-ləri də eyni ünvanda yerləşir. Hər iki şirkətin qanuni təmsilçisi Qasımov Xanoglan Məsim oğludur.

Qarşı tərəfi dinləməyə hazırıq.