Az?rbaycan Respublikasinin Dövl?t Reklam Agentliyi publik hüquqi şəxs "Gəncə Regional Reklam İdarəsinin inzibati bina sahəsinin icarəsi" xidmətinin satın alınması üzrə fərdi sahibkar Axundova Aida Məmməd qızının adından onun etibarnamə üzrə səlahiyyətli nümayəndəsi Qurbanıyevd Çingiz Midhət oğlu arasında bir münbiddən satın alma metodunu tətbiq etməklə 43,200.00 manat məbləğində satın alma müqaviləsi bağlanmışdır. Qeyd etmək lazımdır ki, Dövlət Reklam Agentliyi ötən il, 21.02.2024-cü il tarixində Gəncə şəhəri A.I. Krilov ev 19 ünvanında qeydiyyatda olan Qurbanıyev Çingiz Midhət oğlu (VÖEN: 2305778012) ilə 3,300 manat məbləğində satın alma müqaviləsi bağlamışdır. Satınalmaların portalında qeyd olunan (VÖEN: 1404753362) Bakı şəhəri, Nəsimi rayonu, Abbasqulu Ağa Bakixanov ev 22, mənzil 17 ünvanında qeydiyyatda olan Axundova Aida Məmməd qızıQurbanıyev Çingiz Midhət oğlu kimdir? Qurbanıyev Çingiz Midhət oğlu Prezident İlham Əliyevin 3 fevral 2014-cü il tarixli sərəncamı ilə Gəncə şəhərinin sosial-mədəni inkişafında xidmətlərinə görə "əməkdar mühəndis" adı almışdır. O, bu adı üzlü 2000-ci ilin əvvərlərindən Gəncə şəhərində təmir-bərpa, abadlıq-quruculuq işlərinin, yolların əsaslı təmiri işlərinin və yeni infrastruktur layihələrinin həyata keçirilməsində səriştəli lider olan "GƏNCƏ KÖRPÜ TIKINTI-2" ASC-deki fəaliyyəti ilə alıb. Qeyd edək ki, "GƏNCƏ KÖRPÜ TIKINTI-2" ASC rəsmi olaraq 11 iyul 2007-ci il-də qeydiyyata alınıb. Amma ASC-nin daha əvvəllərdən fəaliyyət göstərməsi barədə məlumatlar da vardır. ASC-nin ilk qanuni təmsilçisi Qurbanıyev Çingiz Midhət oğlu olub. İqtisadiyyat Nazirliyi yanında Dövlət Vergi Xidmətinin reyestr məlumatlarına görə, nizamnamə kapitalı 143,104 manat olan "Gəncə Körpü Tikinti-2" ASC-nin hüquqi ünvanı Bakı şəhəri, Nəsimi rayonu, Süleyman Rüstəm küçəsi, ev 47-də yerləşir. ASC-yə müəyyən müddət Rzayev Süleyman Qəmbər oğlu rəhbərlik edib. Hazırda qanuni təmsilçi kimi Zeynalli Məhərrəm Aslan oğlu qeyd olunub. Amma rəsmi məlumatlarda açıqlanmasa da, elektron mediada "Gəncə Körpü Tikinti-2" ASC-nin Direktorlar Surasının sədri, yəni əsas pay sahibinin Aqibət Məmmədov olduğu bildirilir. Aqibət Məmmədov Gədəbəy rayonunda anadan olub və Qərb bölgəsində oliqarx kimi tanınır. Çingiz Qurbanıyevin adı isə hələ 2010-cu ildən Gəncədək "İmamzadə" kompleksinin yenidənqurulması və təmir-bərpa işlərini həyata keçirilməsində yaranmış problemlərdə hallanırdı. Məlumatlara görə, sözügedən təmir-bərpa işinin aparılması üçün büdcədən ayrılmış milyonlarla manat dövlət vəsaitinin təyinatından kənar edən iştirakçılardan biri də məhz Çingiz Qurbanıyevdir. Bundan əlavə, Çingiz Qurbanıyev həm də "MAYBO" Məhdud Məsuliyyətli Cəmiyyətinin sahibidir. MMC 12 saylı ərazi Vergilər Baş İdarəsində, yəni Gəncə şəhərində 05.10.2011-ci ildən dövlət qeydiyyatına alınıb. Nizamnamə kapitalı 10 manat olan MMC-nin hüquqi ünvanı da Gəncə şəhəri, Çexov küçəsi, ev 24-dür. Qanuni təmsilçisi Midhət Qurbanıyev Çingiz oğludur. Midhət Qurbanıyev "Gəncə Körpü-Tikinti 2" Açıq Səhmdar Cəmiyyətinin sədri olmuş Çingiz Qurbanıyevin oğludur. Onun adında Yasamal rayonu, Səfa Talıbov ev 273C və 93 ünvanlarında qeydiyyatdan keçmiş "MAYBO CALIBRATION" və "MAYBO SERVICE" MMC-ləri də vardır. "MAYBO" və "MAYBO CALIBRATION" MMC-ləri əsasən Kənd Təsərrüfatı Nazirliyinə tabeli qurumların keçirdikləri milyonlarla manat dəyərində olan tenderlərin qalibi olublar. Dövlət Reklam Agentliyinin Gəncə Regional Reklam İdarəsinin inzibati bina sahəsinin icarəsi üzrə bağladığı müqavilə də Çingiz Qurbanıyevin qazandığı onlarla tenderlərdən biridir. Lakin burada fərq ondadır ki, əkşi tenderlərdə dövlət sifarişlərini yerinə yetirərək şəxsi büdcəsini artıran Çingiz Qurbanıyev bu dəfə birbaşa şəxsi gəlirlərini artırmışdır. Necə deyərlər, pul, pul gətirir. Aktualinfo.org
P.S. Çingiz Qurbanıyevin Dövlət Reklam Agentliyinin Gəncə Regional Reklam İdarəsinə icarəyə verdiyi binanın vaxtilə hansı pullar hesabına icarəyə verilməsi hələ müzakirə mövzusu deyil.