Tovuz rayon İcra Hakimiyyətinin başçısı Məmməd Məmmədov yenidən narazılıq yaradır. "Dia.az" xəbər verir ki, artıq narazı sakinlər çarəsizlikdən son ümid yeri kimi ölkə Prezidentindən dəstək istəyirlər.

Sakinlərin "Dia.az"a ünvanladığı son müraciətdə deyilir: "Özünü Tovuzun xanı kimi aparan Məmməd Məmmədov doğrudan da Zəhər saçır və "Zəhər Mamed" ayamasını bozından almayıbdır. Bu gün Tovuzun yarısı onun və general qohumundur. Kimsə nəsə danışa bilmir, etiraz edə bilmir... Dərhal ən sərt formada cəzalanır."

"Zəhər Mamed" Tovuza gələn gündən bir də olsa kənara artezian quyusu qazdırmayıb. Burada ancaq ona işləyir bütün artezianlar. Bütün Ceyran Çölünü zəbt edib, yalnız özü üçün işləyir."

Tovuzun əkin sahələrinin 80%-i bu gün başçı və onun ətrafındadır. Qara camaat su tapıb həyatyani sahəsini belə suvara bilmir. "Zəhər Mamed" bizim tariximizdə Tovuza yaxşılıq, abadlıq-quruculuq mənasında heç bir şey etməyən yeganə şəxsdir, yeganə icra başçısıdır. Bunu hardan gətirdilər və niyə gətirdilər... bilmirik. Amma onu bilirik ki, respublikanın hər yerində irəliləmmə gedəndə Tovuzda yalnız geriləmə var. Dağılma gedir. Bizdə başçının işi-gücü narazılıq yaratmaqdır. Başqa rayonlarda narazılıq olduğunda icra başçısı qabağa düşür və vəziyyəti düzəldir. Elə qonşu Gödəbdə olduğu kimi. Bizdə isə narazılığı elə başçının özü yaradır..."

Dia.az