Abbasqulu Aga Bakixanov adina Tarix və Etnologiya Institutu 2022-ci ildən 2024-cü ilədək müxtəlif lotlar üzrə 258.582 manatlıq satınalma keçirib.

Bu satınalmalar əsasən texniki avadanlıqların alınması ilə bağlıdır. 2024-cü ilin iyul ayının 18-də "maşın və avadanlıqlar" lotu üzrə sifarişçi olduğu satınalmaya yekun vurulub. Bu satınalmanın məbləği 26.671 manat olub, qalibi isə "Az Systems" Məhud Məsuliyyətli Cəmiyyəti olub.

Satınalma müqaviləsinə görə qalib elan edilən təşkilat institutdan 1 ədəd noutbuk, 10 ədəd masaüstü kompüter, 16 ədəd kondisioner, 1 ədəd fotoaparat, 1 ədəd diktafon və 1 ədəd yaddaş kartı almalidir.

Bunun yanında, institut oxşar lot üzrə satınalmalarını 2023-cü ilin noyabr ayının 1-də də keçirib. Bu dəfə qalib olan "Az Systems" Məhud Məsuliyyətli Cəmiyyəti, bu satınalmanın məbləği 13.326 manat olub. Bu müqaviləyə görə, MMC instituta 6 ədəd masaüstü kompüter, 1 ədəd fotoaparat, 1 ədəd diktafon və 1 ədəd led işıqlandırıcı almalidir.

Institutun 2023-cü ilin iyul ayının 17-də "maşın və avadanlıqların alınması" lotu üzrə daha bir satınalmasını həyata keçirdiyini qeyd etmək lazımdır. Bu dəfə institut "Unisell" MMC-ni qalib elan edib. Satınalmanın smetası 16.995 manat təşkil edib. Müqaviləyə əsasən, MMC instituta 14 ədəd masaüstü kompüter, 130 metr şəbəkə kabeli, 2 ədəd xarici yaddaş qurğusu, 1 ədəd təqdimat pultu və 1 ədəd yaddaş kartı almalıdır.

Institutun kompüterləşmə siyasəti

Institutun "Unisell" şirkəti ilə əməkdaşlığı 2022-ci ilin iyul ayının 1-də başlayıb. Bu satınalmanın məbləği 36.898 manat olub. Müqaviləyə əsasən, institut 10 ədəd noutbuk, 8 ədəd masaüstü kompüter, 10 ədəd müxtəlif printerlər, 1 ədəd televizor, 1 ədəd videokamera, 4 ədəd diktafon, 1 ədəd səsgücləndirici, 8 ədəd qulaqlıq və 1 ədəd rəqəmsal diktafon almışdır.

Alınan malların-avadanlıqların hansı model, ölkə və buraxılış ilinə aid olduğu barədə açıq internet resurslarında məlumatlar yoxdur. Məsələ ilə bağlı Abbasqulu Aga Bakixanov adına Tarix və Etnologiya Institutundan mövqe öyrənmək məqsədilə əlaqə saxlanılıb.

Institutun açıqlamasında "Institutun kotirovka sorğuları üzrə qalib şirkətlərlə əməkdaşlığı qanunvericiliyin tələblərinə uyğun həyata keçirilmişdir" deyə qeyd edilir.

Məsələ ilə bağlı Azərbaycan Respublikasının Hesablama Palatasından da mövqe öyrənilib. Hesablama Palatası 2022-2024-cü illərdə Abbasqulu Aga Bakixanov adına Tarix və Etnologiya Institutunda audit həyata keçirilmədiyini bildirib.

Qeyd edək ki, Abbasqulu Aga Bakixanov adına Tarix və Etnologiya Institutu 1935-ci ildə yaradılıb. Institutun direktoru professor Kərim Şükürov

Cahandar Laçinli, (qlobal.az)