Qarasu İmplantasiya Sirkətinin İşçilərinin Şikayətləri

Qarasu İmplantasiya Sirkətinin əməkdaşları, Prezident Administrasiyasına, Əmək və Əhalinin Sosial Müdafiəsi Nazirliyinə, Dövlət Əmək Müfəttişliyi Xidmətinə və Korrupsiyaya Qarşı Mübarizə Baş İdarəsinə müraciət edərək, 2009-cu ildən bu günə qədər kəsilmiş əmək haqqları və sosial təminatlarla bağlı şikayətlərini çatdırıblar. İşçilər, illərlə susdurulan haqsızlıqlara qarşı artıq səsini ucaltma qərarına gəldiklərini bildirirlər.

Lakin, verilən məlumatlara əsasən, onların müraciətləri araşdırılmaq üçün yerinə komissiya göndərilmək əvəzinə, birbaşa Qarasu İmplantasiya Sirkətinin rəhbərliyinə yönləndirilib. Bu isə işçilərin vəziyyətini daha da ağırlaşdırıb.

İşçilərin Təziqi

İşçilər iddia edirlər ki, rəhbərlik onların şikayət etmələrinə görə ayrı-ayrılıqda çağıraraq təzyiqlər göstərir, hədələyir və işdən çıxarılmaqla hədələnirlər. "Biz sadəcə illərlə aldığımız maaşların kəsilən hissəsinin bərpasını istəyirik. Bu bizim hüququmuzdur. Amma indi hüququnu tələb edən işçi təhdid altına düşür," deyə müraciət edənlər bildirirlər.

İşçilərin sözlərinə görə, dövlət qurumlarının məsələni yerində araşdırmaq əvəzinə, şikayət məktublarını şirkətə yönətməsi, onların rəhbərliyin hədəfinə çevrilməsinə səbəb olub. İşçilər bu cür yanaşmanın həm hüquqi, həm də etik baxımdan yolverilməz olduğunu hesab edirlər.

Kollektiv İctimai Dəstək Tələbi

Redaksiyamıza ünvanlanan kollektiv müraciətdə bildirilir ki, Qarasu İmplantasiya Sirkətində baş verən bu hallar yalnız bu müəssisə ilə məhdudlaşmır; ümumilikdə işçi hüquqlarının necə qorunduğunu bir daha gündəmə gətirir. Onlar cəmiyyəti bu məsələyə biganə qalmamağa, müvafiq qurumları isə işi obyektiv və şəffaf şəkildə araşdırmağa çağırırlar.

Qeyd edək ki, məsələ ilə bağlı aidiyyəti qurumların da mövqeyini dərc etməyə hazırıq.