ÜMİDTV:    ABŞ-ın “Forbes” jurnalı Gürcüstanın hakim Gürcü Arzusu Partiyasının təsisçisi, keçmiş baş nazir Bidzina İvanişvilinin sərvətini 3,3 milyard dollar səviyyəsində qiymətləndirib.

 Gürcüstanın ən zəngin insanının var-dövləti il ərzində 1,5 milyard dollar azalıb.

Nəşrdə bildirilib ki, B.İvanişvilinin bu günə olan sərvəti son 11 il ərzində minimal həddə çatıb. O, planetin ən varlı insanlarının reytinqində 349-cu yerdən 906-cı yerə düşüb. Bu cür kəskin enmənin səbəbi açıqlanmır.

Qeyd edək ki, bu ilin yanvarın 11-də gürcü milyarder siyasəti və hakim partiya rəhbərliyini tərk edib. Bundan öncə o, sərvətinin böyük hissəsini rəhbərlik etdiyi “Kartu” xeyriyyə fonduna bağışlayıb.