ABŞ artıq açıq və ədalətli seçkinin keçirildiyi bir ölkə deyil.

Vesti.ru xəbər verir ki, bunu Floridadakı tərəfdarları qarşısında çıxış edən keçmiş prezident Donald Tramp bəyan edib.

O, meydana toplaşanları ABŞ-ın müstəqillik günü münasibəti ilə təbrik edib və bildirib ki, hazırda Nyu-York meri seçkilərində baş verən saxtakarlıqlar 2020-ci ildəki prezident seçkiləri zamanı da qeydə alınıb.

Tramp, həmçinin Bayden hökumətini Rusiya, Çin və İran qarşısında ABŞ-ı aciz duruma salmaqda ittham edib.

Eks-prezident tərəfdarlarını ölkəni demokratlardan xilas etməyə çağırıb.