Azerbaycan Beynəlxalq Bankında Maraqlı Cinayət Hadisəsi

Azerbaycan Beynəlxalq Bankının (ABB) Zaqataladakı filialında baş vermiş maraqlı cinayət hadisəsi ilə bağlı xəbərlər ortaya çıxıb. İttihamda Kassir Zaur Ismayilovun saxta qəbzlər vasitəsilə 81 min manat dələduzluq etməsi bildirilir. İstintaq orqanları, Zaur Ismayilovun 2018-ci ilin sonlarında özünə müraciət edən Isa Abdullayev adlı müştərini aldadaraq bu məbləği ələ keçirmək cəhdində olduğunu vurğulayır.

İttihamda qeyd olunur ki, Zaur illik 10 faiz qazanc əldə edəcəyi vədi ilə Isa Abdullayevin etimadını qazandı. Lakin Zaur Ismayilov, öz növbəsində, Isa Abdullayevin qurbanı olduğunu, 350 minlik əmlakının isə ələ keçirildiyini ifadə edir. Zaur, torpaq və ev alqı-satqısı ilə məşğul olan Isa Abdullayevə obyektinin satışını etibar etmişdir. Həmçinin, o, Isa Abdullayevə qazanc əldə etmək üçün qardaşından və bankdan kredit götürmüşdür.

Hadisənin digər maraqlı məqamları da mövcuddur. "Zərərçəkmiş" şəxs kimi tanınan Isa Abdullayevin kimliyi və fəaliyyəti ilə bağlı redaksiyamıza məlumatlar daxil olub. Zaqatalada "Makler Isa" kimi tanınan Abdullayevin əməliyyatları heç də açıq deyil. Onun haqqında 19 nəfər şikayətçi müvafiq dövlət qurumlarına müraciət etmişdir. Bu şikayətlərin mətni dələduzluq, torpaq alqı-satqısı və əmlak satışı zamanı alınan pulun ələ keçirilməsi formasındadır.

Isa Abdullayevin müxtəlif vəzifəli şəxslərin adından istifadə edərək məmurları və dövlət idarələrini təsir etməyə çalışdığı üzə çıxıb. Məsələn, o, bir çox yerlərdə özünü Azərbaycan Konstitusiya Məhkəməsinin sədri Fərhad Abdullayevin yaxın qohumu kimi təqdim edir. Soyad oxşarlığını da sübut kimi ortaya qoyur.

Bununla yanaşı, Səki Ağır Cinayətlər Məhkəməsinin sədri Rafael Əliyevlə də yaxın münasibətinin olduğunu aşağı instansiya məhkəmələrindəki işlərində dilə gətirir. Abdullayev, həmçinin "Qarabağ" Futbol Klubunun baş məşqçisi, Zaqataladan olan Qurban Qurbanovla da qohum olduğunu iddia edərək, ayrı-ayrı şəxslər yanında nüfuz və etibar qazanmğa çalışır. O, Qurban Qurbanovun və öz avtomobilinin dövlət nömrə nişanının sonunun "013" ilə bitməsini bu qohumluğun göstəricisi kimi təqdim edir.

Bununla da bitmir. Isa Abdullayev, özünü Ali Məhkəmənin hakimlərindən birinin varisi kimi də təqdim edərək, 20 min dollar dələduzluq edərək xeyli sayda antik əşyaların ona qalacağını demişdir. Bu məsələnin və digər epizodların detallarını növbəti yazıda ətraflı olaraq dərc edəcəyik.

Xatırladaq ki, Səki Ağır Cinayətlər Məhkəməsi Zauru törətdiyi əməl üzrə təqsirli bilib. Məhkəmənin hökmü ilə təqsirləndirilən şəxsə 5 il 6 ay müddətinə azadlıqdan məhrumetmə cəzası təyin edilib. Barəsində polis nəzarətinə verilmiş qətimkan tədbiri dəyişdirilərək məhkəmə zalında həbs edilib.