Son günlər ölkə ərazisində müşahidə olunan qeyri-sabit hava şəraiti, yolların qarla və buzla örtülməsi sürücülər üçün çətinliklər yaradıb. Bu çətin anlarda Daxili İşlər Nazirliyinin (DIN) əməkdaşları - Yol Patrul Xidməti (DYP) və Post Patrul Xidməti (PPX) sürücülərə dəstək olmaqla yanaşı, onların təhlükəsizliyini təmin etmək üçün böyük səylər göstərirlər.

Sosial mediada xəbər portalının rəhbəri, gənc jurnalist Asim Abdullayev DIN əməkdaşlarının bu fədakar fəaliyyətini qeyd edərək onlara təşəkkürünü bildirib. O, vurğulayıb ki, polis əməkdaşlarının yol hərəkətinin təhlükəsizliyini təmin etmək üçün göstərdiyi operativ və peşəkar xidmət cəmiyyət üçün böyük önəm daşıyır.

Asim Abdullayev deyib: "Asayiş keşikçilərinin bu çətin hava şəraitində fədakarlıqla çalışması, sürücülərə və piyadalara göstərdikləri kömək hər kəs tərəfindən təqdir olunmalıdır. Daxili İşlər Nazirliyinin bütün əməkdaşlarına təşəkkür edir, onların fəaliyyətində uğurlar arzulayıram."

Daxili İşlər Nazirliyinin əməkdaşlarının gecə-gündüz vəzifə borclarını ləyaqətlə yerinə yetirməsi və vətəndaşlara daim kömək göstərməsi, təhlükəsizlik və ictimai asayişin hər zaman qorunacağını bir daha sübut edir. Bu cür fədakar fəaliyyət, cəmiyyətin etibarını qazanmaqla yanaşı, təhlükəsizliyin təminatında əvəzsiz rol oynayır.