9 saylı ETSI-nin müffitisi Əlzamin Sahbazovun Füzuli rayonunda sahibkar İbrahim Verdiyevdən rüşvət aldığı iddia edilir. Bu məsələ ilə bağlı Baş Prokurorluq yanında Korrupsiyaya Qarşı Mübarizə İdarəsində araşdırma başlamışdır.

İddia olunan məlumatlara görə, Əlzamin Sahbazov, Füzuli rayonunda fəaliyyət göstərən beton zavodunun rəhbəri olan İbrahim Verdiyevdən rüşvət alıb. Ekologiya və Təbii Sərvətlər Nazirliyi adına iş adamından qanunsuz rüşvət alması ilə bağlı İbrahim Verdiyev, Baş Prokurorluq yanında Korrupsiyaya Qarşı Mübarizə İdarəsinə şikayət edib. Məlumata görə, 9 saylı ETSI-nin müffitisi Əlzamin Sahbazovla bağlı Korrupsiyaya Qarşı Mübarizə İdarəsinə edilən şikayətlər üzrə araşdırma aparılır və cinayət işi başlanılacaq.

Əlzamin Sahbazovun 9 saylı Ekologiya İdarəsinin rəis müavini İqilab Kazımovun yaxın qohumu olduğu da bildirilib. Rəis müavininə arxalanaraq, Əlzamin Sahbazovun bir çox sahibkardan Ekologiya və Təbii Sərvətlər Nazirliyinin adından haqq aldığı iddia edilir. Bu, rüşvət alma hallarının geniş bir şəbəkəyə yayıldığını göstərir.

Ekologiya və Təbii Sərvətlər Nazirliyinin 9 saylı regional idarəsinə sorgu verdikdə, "Sizin 13.03.2025-ci il tarixli sorgunuza cavab olaraq bildiririk ki, 9 saylı Regional Ekologiya və Təbii Sərvətlər İdarəsi Ekologiya və Təbii Sərvətlər Nazirliyinin tabeli qurumu olduğuna görə, Nazirliyin Mətbuat Xidmətinə müraciət etməlisiniz," deyə qeyd edilib.

Bu cavabı əsas götürərək, Nazirliyin mətbuat xidmətinə və rəsmi elektron ünvanlarına sorgu göndərmişik. Lakin 15 gündən artıq müddətdir ki, Nazirliyin rəsmi şəxslərindən və ya mətbuat xidmətindən hər hansı bir cavab ala bilmirik. Məsələ ilə bağlı rəsmi qurumun və şəxsin mövqeyini dinləməyə hazırıq.

Məsələ ilə bağlı araşdırmamız davam edir.