Sumqayit şəhər sakinləri Sədiyyəv Şahin Zeynal oğlu, Baxtıyev İkbər Abdüləli oğlu, Gülməmədov Sərxan Rizvan oğlu və Əhmədov Ceyhun Yenixeber.org-un elektron poçtuna müraciət edərək Sumqayit Bələdiyyəsinin rəhbər şəxslərinin özbaşınalıqlarından şikayət ediblər. Müraciətdə Sumqayit Bələdiyyəsinin qanunsuz əməliyyatlarının sakinlərin həyatını necə çətinləşdirdiyinə diqqət çəkilir.

Aktuallığını nəzərə alaraq, müraciəti dərc edirik:

“Sumqayit Bələdiyyəsinin qanunsuz əməliyyatlarından şəhər sakinləri boğaza yığılsa da, çıxış yolu tapa bilmir. Bir müddət əvvəl Yasma sakinləri bu əməliyyatlardan bezərək etiraz etmək üçün magistral yolunu da bağlamışdılar. Məsələni sakitləşdirib, bir müddət gözlədikdən sonra 'Yaşıldır?' deyilən əraziyə hücum etmişdilər. Hazırda isə 76-cı məhəllə ərazisində qanunsuzluqlar davam etməkdədir.

Sumqayit Şəhər Bələdiyyəsinin sədri və bəzilərinin əməkləşdiyi torpaq alveri ilə məşğul olan bir qrup şəxs çıxarış və ya sənəd ala bilməyən ərazilərə çökmüş, torpaqları sahiblərinin əlindən alıb, satır. Razılaşmayan sakinlər isə bu tapşırıqların ‘yuxarıdan gəldiyini’ söyləyərək, yəni Sumqayit şəhərinin yüksək vəzifəli şəxslərinin adını çəkərək, onlara qorxutmağa çalışırlar.

Öz torpaqlarını qanunsuzluğa qurban vermək istəməyən sakinlərə rast gəldikdə isə əraziyə özlərini qazi və veteran kimi təqdim edən bir qrup şəxs göndərib, onları münaqişəyə çəkirlər. Hədələmə və qorxu üsulları ilə zərər görənlər arasında biz 5 qonşu da varik.

Belə ki, Sumqayit şəhər 76-cı məhəllə ərazisində mənim və 4 qonşumun sahibliyində və istifadəsində olan torpaq sahələri Sumqayit Şəhər Bələdiyyəsinin sədri və bir neçə əməkdaşının havadarlığı ilə bu ilin yanvar ayının əvvəllərindən bir qrup şəxs tərəfindən zəbt edilib. Bizə heç bir xəbərdarlıq edilmədən, axşam saatlarında əraziyə texnika gətirilərək, hasarlarımız dağıdılmış və bizə aid tikinti materialları məhv edilmişdir, yaxınlıqdakı gölə tökülmüşdür. Ərazi “sənaye, nəqliyyat və rabitə” tipli olduğundan ora çıxarış almaq mümkün deyil və biz 2013-cü ildən bu ilin axırına qədər torpaq vergisini ödəməkdəyik.

Bütün aidiyyəti qurumlara müraciət etdik və bizə qarşı tərəfin əlində 3500 kv.m-ə Sumqayıt Bələdiyyəsi tərəfindən verilmiş icarə müqaviləsi olduğu bildirildi. Amma nə qədər çalışsaq da, o icarə müqaviləsini bizə təqdim edən olmadı. Vəkilimiz vasitəsi ilə Sumqayit Şəhər İnzibati Məhkəməsinə müraciət etsək də, qarşı tərəf Bələdiyyənin havadarlığı ilə, heç bir icazəsi olmadan tikinti aparmağa davam etdi və aidiyyəti qurumlar da buna göz yumdu.

Biz vəkilimizlə əlavə bir müqavilə də bağladıqdan və xeyli çalışdıqdan sonra qarşı təhfikə verilən icarə müqaviləsinin bir surətini əldə edə bildik. Həmin müqaviləni araşdırdıqdan sonra məlum oldu ki, qarşı tərəfə təqdim olunan bu icarə müqaviləsi qanunsuzdur. Belə ki, icarə müqaviləsi bağlanarkən torpaq sahələrimiz hərraca çıxarılmayıb və heç bir müsabiqə olmayıb.

Daha sonra bizə məlum oldu ki, bizim torpaq sahələrinin yerləşdiyi ərazi heç Bələdiyyənin mülkiyyətində deyil. Bir sözlə, bir neçə qurum da bu qanunsuz müqaviləni görsə də, susaraq, bizim torpaq sahələrimizin zəbt edilməsinə və tikinti aparılmasına kömək etdilər. Bu qanunsuzluq hələ də davam etməkdədir və hələ də tikinti aparılmasına baxmayaraq, hələ də bizə yardım edə bilən qurum axtarışındayıq.

Onu da bildirim ki, bir dəfə reyd keçirilib. Şikayət olunan əraziyə girilmiş, kasıbın olan bir az torpaq sahəsini əlindən alıb, hasarı dağıdıblar. Guya, yoxlanış keçirib, səhlvləri tapıblar. Bu da onların işidir. Obyektlər olan ərazilərə isə heç toxunmayıblar.

TEREF olaraq qarşı tərəfin cavab haqqını tanıyırıq.