Unibank Haqqında Narazılıqlar Artır

Azerbaycanın aparıcı banklarından biri olaraq tanınan "Unibank" haqqında son dövrlərdə sosial mediada və şikayət platformalarında narazılıqların artdığı müşahidə edilir. Müxtəlif müraciətlər bankın müştəri siyasətində ciddi problemlərin olduğunu göstərir.

Manset.az xəbər verir ki, ən çox rast gəlinən şikayətlərdən biri vətəndaşlara telefonla zəng edilərək filiallara dəvət edilməsidir. Zəngdə bildirilib ki, guya kredit kartı naqdlaşdırılacaq. Ancaq vətəndaş saatlarla növbə gözlədikdən sonra ona “texniki problem var” deyilir. Problemin texniki olduğu qeyd olunsa da, əməkdaşlar bu müddətdə digər müştərilərlə rahatlıqla işləməyə davam edirlər. Bu, isə müştərilərin suallarını artırır; yəni texniki problem yalnız “hədəf seçilmiş” müştərilərə tətbiq olunur?

Başqa bir problem isə bu müştəriyə əvvəlkindən daha yüksək faizlə yeni kredit təklif olunmasıdır. Artıq bu, “təklif” deyil, “təhlikə”dir. Müştəri ya gözləntisini itirir, ya da zərərli şərtlərə boyun əymək məcburiyyətində qalır.

Digər bir şikayət isə vətəndaşın "Unibank" kartının xaricdə istifadəsi zamanı yaranan problemlərdən ibarətdir. Müştəriyə “risk qrupu”na salındığı bildirilib. Bank bu qrupun ləğv edildiyini desə də, sonraki ödənişlər yenə də keçmir. Burada sual yaranır: "Unibank" risk qrupunu hansı əsaslarla müəyyən edir və nəyə görə bu qərarlar şəffaf deyil? Müştəriyə real alternativ və həll təklif olunmur, əvəzində “kağız üzərində izahlar” verilir.

Kredit gecikmələri ilə bağlı edilən müraciətlərdə də oxşar yanaşma açıq şəkildə görünür. Müştəri vaxtında müraciət etsə belə, bank güzəştə yanaşmır. Gecikmə yarandıqdan sonra isə məsələ daha da mürəkkəbləşir və müştəri təzyiq altında qalır.

"Unibank" bu şikayətlər fonunda sussuz qalır – nə izahat verir, nə də çıxış yolu göstərir. Bu, bankın müştəri siyasətində əhəmiyyətli bir yenidən baxışın zəruriliyi anlamına gəlir.

Unibankın müştəri siyasətindəki problemlərin yanı sıra, müştərilərin məmnuniyyətini artırmaq üçün atılması gərəkən addımların da düşünülməsi vacibdir. Bankın müştəri məmnuniyyətini təmin etmək üçün daha şəffaf və ədalətli yanaşmalar gətirməsi gözlənilir. Aksi halda, müştəri narazılıqları artmaqdadır və bu, bankın nüfuzuna zərər verə bilər.