Koronavirusun ən yeni ştamı olan “omikron” daha bir qitəyə sıçrayıb.

Belə ki, Avstraliyada virusa yoluxmuş iki xəstə təsbit edilib.

Bu barədə ölkənin Səhiyyə Nazirliyi məlumat yayıb.

Onların noyabrın 27-də Cənubi Afrika Respublikasından ölkəyə gəldiyi bildirilib

Qeyd olunub ki, COVID-19-a qarşı peyvəndin tam kursunu tamamlayan hər iki şəxs hazırda həkim nəzarəti altında xüsusi tibbi təcridxanada saxlanılır

Xatırladaq ki, noyabrın 27-dən etibarən Avstraliya Botsvana, Zimbabve, Lesoto, Malavi, Mozambik, Namibiya, Seyşel adaları və Cənubi Afrika Respublikası ilə hava nəqliyyatını məhdudlaşdırıb. Bu ölkələrdən girişə yalnız Avstraliya vətəndaşları və ölkədə yaşamaq icazəsi olan şəxslərə icazə verilir. Onlara qarşı iki həftəlik karantin tətbiq edilir.

Mənbə: TASS